ਹੈਦਰਾਬਾਦ : ਭਾਰਤ ਵਿੱਚ ਬਾਲਗਾਂ ਉੱਤੇ TB Vaccine Mtbvac ਦਾ ਕਲੀਨਿਕਲ ਟ੍ਰਾਇਲ ਸ਼ੁਰੂ ਹੋ ਗਿਆ ਹੈ। ਇਹ ਸਪੈਨਿਸ਼ ਬਾਇਓਫਾਰਮਾਸਿਊਟੀਕਲ ਕੰਪਨੀ, ਬਾਇਓਫੈਬਰੀ ਵੱਲੋਂ ਮਨੁੱਖੀ ਸਰੋਤ ਤੋਂ ਪ੍ਰਾਪਤ ਤਪਦਿਕ ਖਿਲਾਫ਼ ਪਹਿਲਾ ਟੀਕਾ ਹੋਵੇਗਾ। ਭਾਰਤ ਬਾਇਓਟੈਕ ਇੰਟਰਨੈਸ਼ਨਲ ਲਿਮਟਿਡ ਨੇ ਐਤਵਾਰ ਨੂੰ ਇਹ ਜਾਣਕਾਰੀ ਦਿੱਤੀ।
ਬਾਲਗਾਂ ਤੇ ਅੱਲੜਾਂ ‘ਚ ਟੀਬੀ ਦੀ ਰੋਕਥਾਮ
ਰਿਲੀਜ਼ ‘ਚ ਕਿਹਾ ਗਿਆ ਹੈ ਕਿ ਮਾਊਂਟਬਵੈਕ ਨੂੰ ਦੋ ਉਦੇਸ਼ਾਂ ਲਈ ਵਿਕਸਤ ਕੀਤਾ ਜਾ ਰਿਹਾ ਹੈ। ਸਭ ਤੋਂ ਪਹਿਲਾਂ ਨਵਜਾਤ ਬੱਚਿਆਂ ਲਈ ਬੀਸੀਜੀ (ਬੈਸਿਲਸ ਕੈਲਮੇਟ ਗੁਏਰਿਨ) ਨਾਲੋਂ ਵਧੇਰੇ ਪ੍ਰਭਾਵਸ਼ਾਲੀ ਤੇ ਸੰਭਾਵੀ ਤੌਰ ‘ਤੇ ਲੰਬੇ ਸਮੇਂ ਤਕ ਚੱਲਣ ਵਾਲੀ ਵੈਕਸੀਨ ਹੋਵੇਗੀ। ਦੂਜੇ ਪਾਸੇ ਇਹ ਬਾਲਗਾਂ ਤੇ ਅੱਲੜਾਂ ‘ਚ ਟੀਬੀ ਦੀ ਰੋਕਥਾਮ ਲਈ ਹੋਵੇਗਾ, ਜਿਨ੍ਹਾਂ ਲਈ ਫਿਲਹਾਲ ਕੋਈ ਪ੍ਰਭਾਵੀ ਟੀਕਾ ਨਹੀਂ ਬਣਾਇਆ ਗਿਆ ਹੈ।
ਬਾਇਓਫੈਬਰੀ ਦੇ ਸਹਿਯੋਗ ਨਾਲ ਸ਼ੁਰੂ ਹੋਇਆ ਟ੍ਰਾਇਲ
ਇਹ ਟਰਾਇਲ ਭਾਰਤ ਬਾਇਓਟੈਕ ਵੱਲੋਂ ਬਾਇਓਫੈਬਰੀ ਦੇ ਸਹਿਯੋਗ ਨਾਲ ਕਰਵਾਏ ਗਏ ਹਨ। MTBVac ਦੀ ਸੁਰੱਖਿਆ ਤੇ ਇਮਿਊਨੋਜੈਨੇਸਿਟੀ ਦਾ ਮੁਲਾਂਕਣ ਕਰਨ ਲਈ ਪ੍ਰੀਖਣ ਪ੍ਰਮੁੱਖ ਸੁਰੱਖਿਆ, ਇਮਯੂਨੋਜੈਨੇਸਿਟੀ ਤੇ ਪ੍ਰਭਾਵਕਾਰਿਤਾ ਪ੍ਰੀਖਣ ਨਾਲ ਸ਼ੁਰੂ ਹੋ ਗਏ ਹਨ। ਇਸ ਨੂੰ 2025 ਤਕ ਸ਼ੁਰੂ ਕਰਨ ਦੀ ਯੋਜਨਾ ਹੈ।
ਦੁਨੀਆ ‘ਚ 28 ਫ਼ੀਸਦ ਟੀਬੀ ਦੇ ਮਾਮਲੇ
ਇਹ ਦੇਸ਼ ਵਿਚ ਬਾਲਗਾਂ ਤੇ ਅੱਲੜਾਂ ‘ਚ ਟੈਸਟਿੰਗ ਲਈ ਵੱਡਾ ਕਦਮ ਹੈ ਜੋ ਕਿ ਵਿਸ਼ਵ ਦੇ ਟੀਬੀ ਦੇ 28 ਫ਼ੀਸਦ ਕੇਸਾਂ ਦਾ ਹਿੱਸਾ ਹਨ। ਬਾਇਓਫੈਬਰੀ ਦੇ ਸੀਈਓ ਐਸਟੇਬਨ ਰੌਡਰਿਗਜ਼ ਨੇ ਕਿਹਾ ਕਿ ਟੀਬੀ ਵਿਸ਼ਵ ‘ਚ ਖਾਸ ਕਰਕੇ ਭਾਰਤ ‘ਚ ਮੌਤ ਦੇ ਪ੍ਰਮੁੱਖ ਇਨਫੈਕਟਿਡ ਕਾਰਨਾਂ ‘ਚੋਂ ਇਕ ਹੈ।
ਭਾਰਤ ਬਾਇਓਟੈਕ ਦੇ ਕਾਰਜਕਾਰੀ ਪ੍ਰਧਾਨ ਕ੍ਰਿਸ਼ਨਾ ਏਲਾ ਨੇ ਕਿਹਾ, ‘ਤਪਦਿਕ ਦੇਵਿਰੁੱਧ ਵਧੇਰੇ ਪ੍ਰਭਾਵਸ਼ਾਲੀ ਟੀਕੇ ਲਈ ਸਾਡੀ ਖੋਜ ਨੂੰ ਅੱਜ ਭਾਰਤ ‘ਚ ਕਲੀਨਿਕਲ ਪ੍ਰੀਖਣਾਂ ਦੇ ਨਾਲ ਟੀਬੀ ਖਿਲਾਫ਼ ਵੱਧ ਅਸਰਦਾਰ ਟੀਕੇ ਦੀ ਸਾਡੀ ਖੋਜ ਨੂੰ ਅੱਜ ਵੱਡਾ ਹੁਲਾਰਾ ਮਿਲਿਆ ਹੈ। ਬਾਲਗਾਂ ਤੇ ਅੱਲੜਾਂ ‘ਚ ਬਿਮਾਰੀ ਦੀ ਰੋਕਥਾਮ ਲਈ ਟੀਬੀ ਦੇ ਟੀਕੇ ਵਿਕਸਤ ਕਰਨ ਦੇ ਸਾਡੇ ਟੀਚੇ ਨੇ ਅੱਜ ਇਕ ਵੱਡਾ ਕਦਮ ਉਠਾਇਆ ਹੈ।’
