ਪੈਰਿਸ ਓਲੰਪਿਕ 2024 ਦਾ ਅੱਧਾ ਸਫਰ ਲਗਭਗ ਖ਼ਤਮ ਹੋ ਗਿਆ ਹੈ। ਪੈਰਿਸ ਓਲੰਪਿਕ ‘ਚ 200 ਦੇਸ਼ਾਂ ਦੇ 10,000 ਤੋਂ ਜ਼ਿਆਦਾ ਐਥਲੀਟ ਹਿੱਸਾ ਲੈ ਰਹੇ ਹਨ ਪਰ ਇਨ੍ਹਾਂ ਐਥਲੀਟਾਂ ਲਈ ਪੈਰਿਸ ‘ਚ ਜਿਸ ਤਰ੍ਹਾਂ ਦੇ ਪ੍ਰਬੰਧ ਕੀਤੇ ਗਏ ਹਨ, ਉਸ ਨੂੰ ਲੈ ਕੇ ਪ੍ਰਬੰਧਕਾਂ ਦੀ ਕਾਫੀ ਆਲੋਚਨਾ ਹੋ ਰਹੀ ਹੈ। ਖੇਡਾਂ ‘ਚ ਗਰਮੀ ਤੋਂ ਅਥਲੀਟ ਪ੍ਰੇਸ਼ਾਨ ਹਨ। ਕਮਰਿਆਂ ਵਿਚ ਏਸੀ ਨਹੀਂ ਹੈ ਜਿਸ ਕਾਰਨ ਖਿਡਾਰੀ ਪਾਰਕ ਵਿੱਚ ਹੀ ਸੌਣ ਲਈ ਮਜ਼ਬੂਰ ਹਨ।
ਇਟਲੀ ਦੇ ਤੈਰਾਕ ਥਾਮਸ ਸੈਕਸਨ ਨੇ ਪੈਰਿਸ ਓਲੰਪਿਕ ਵਿਚ 100 ਮੀਟਰ ਬੈਕਸਟ੍ਰੋਕ ਮੁਕਾਬਲੇ ਵਿੱਚ ਸੋਨ ਤਗਮਾ ਜਿੱਤਿਆ। ਥਾਮਸ ਸੇਕਨ ਨੇ ਪੈਰਿਸ ਖੇਡ ‘ਤੇ ਦਿੱਤੇ ਗਏ ਬਿਸਤਰੇ ਅਤੇ ਉੱਥੋਂ ਦੀਆਂ ਸਥਿਤੀਆਂ ਬਾਰੇ ਸ਼ਿਕਾਇਤ ਕੀਤੀ। ਥਾਮਸ ਸੈਕਸਨ ਇਨ੍ਹਾਂ ਸਾਰੀਆਂ ਗੱਲਾਂ ਤੋਂ ਇੰਨਾ ਪਰੇਸ਼ਾਨ ਸੀ ਕਿ ਉਹ ਪਾਰਕ ਵਿਚ ਸੌਂ ਗਿਆ।
ਥਾਮਸ ਸੈਕਸਨ ਪੈਰਿਸ ਓਲੰਪਿਕ ਲਈ ਬਣਾਏ ਗਏ ਸਪੋਰਟਸ ਵਿਲੇਜ ਤੋਂ ਇੰਨੇ ਨਾਰਾਜ਼ ਸਨ ਕਿ ਉਹ ਹਾਲ ਹੀ ‘ਚ ਸਪੋਰਟਸ ਵਿਲੇਜ ਛੱਡ ਕੇ ਇਕ ਪਾਰਕ ‘ਚ ਤੌਲੀਏ ‘ਤੇ ਸੌਂਦੇ ਨਜ਼ਰ ਆਏ, ਜਿਸ ਤੋਂ ਬਾਅਦ ਉਨ੍ਹਾਂ ਦੀ ਤਸਵੀਰ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਣ ਲੱਗੀ ਹੈ। ਪੈਰਿਸ ਓਲੰਪਿਕ ‘ਚ ਐਥਲੀਟ ਨਾ ਸਿਰਫ ਗਰਮੀ ਤੋਂ ਪ੍ਰੇਸ਼ਾਨ ਹਨ, ਖਿਡਾਰੀਆਂ ਨੇ ਖਾਣ-ਪੀਣ ਦੀ ਵੀ ਸ਼ਿਕਾਇਤ ਕੀਤੀ ਹੈ। ਅਜਿਹੀਆਂ ਸ਼ਿਕਾਇਤਾਂ ਥਾਮਸ ਸੈਕਸਨ ਨੇ ਹੀ ਨਹੀਂ ਸਗੋਂ ਭਾਰਤੀ ਐਥਲੀਟਾਂ ਨੇ ਵੀ ਕੀਤੀਆਂ ਸਨ। ਭਾਰਤੀ ਅਥਲੀਟਾਂ ਲਈ, ਭਾਰਤ ਸਰਕਾਰ ਨੇ ਆਪਣੇ ਖਰਚੇ ‘ਤੇ ਖੇਡ ਪਿੰਡ ’ਚ 40 ਪੋਰਟੇਬਲ ਏ.ਸੀ. ਦਾ ਪ੍ਰਬੰਧ ਵੀ ਕੀਤਾ ਹੈ।
ਪੈਰਿਸ ਓਲੰਪਿਕ ਦੇ ਪ੍ਰਬੰਧਕਾਂ ਦਾ ਤਰਕ ਸੀ ਕਿ ਵਾਤਾਵਰਨ ਨੂੰ ਧਿਆਨ ਵਿੱਚ ਰੱਖਦਿਆਂ ਖੇਡ ਪਿੰਡ ਨੂੰ ਇਸ ਤਰ੍ਹਾਂ ਬਣਾਇਆ ਗਿਆ ਹੈ ਕਿ ਕਮਰਿਆਂ ਵਿੱਚ ਕੁਦਰਤੀ ਹਵਾਦਾਰੀ ਹੋਵੇਗੀ ਪਰ ਪੈਰਿਸ ਵਿੱਚ ਤਾਪਮਾਨ 40 ਡਿਗਰੀ ਨੂੰ ਪਾਰ ਕਰ ਗਿਆ ਹੈ, ਜਿਸ ਕਾਰਨ ਖਿਡਾਰੀ ਨਮੀ ਦਾ ਸਾਹਮਣਾ ਕਰ ਰਹੇ ਹਨ ਅਤੇ ਗਰਮੀ ਤੋਂ ਬਹੁਤ ਪ੍ਰੇਸ਼ਾਨ ਹਨ। ਇਸ ਕਾਰਨ ਪੈਰਿਸ ਓਲੰਪਿਕ ਦੇ ਪ੍ਰਬੰਧਕਾਂ ਦੀ ਕਾਫੀ ਆਲੋਚਨਾ ਹੋ ਰਹੀ ਹੈ।
ਪੈਰਿਸ ਓਲੰਪਿਕ ਵਿਚ ਸੀਨ ਨਦੀ ਦੇ ਪਾਣੀ ਦੀ ਗੁਣਵੱਤਾ ਵੀ ਇੱਕ ਵੱਡੀ ਸਮੱਸਿਆ ਬਣ ਗਈ ਹੈ। ਕਈ ਖਿਡਾਰੀ ਬਿਮਾਰ ਹੋ ਗਏ ਹਨ। ਨਦੀ ਦੇ ਪਾਣੀ ਵਿਚ ਬੈਕਟੀਰੀਆ ਦੀ ਮਾਤਰਾ ਵੱਧ ਗਈ ਹੈ। ਬੈਲਜੀਅਮ ਦੀ ਐਥਲੀਟ ਕਲੇਰ ਮਿਸ਼ੇਲ ਵੀ ਸੀਨ ਨਦੀ ਵਿਚ ਤੈਰਾਕੀ ਕਰਨ ਤੋਂ ਬਾਅਦ ਬਿਮਾਰ ਹੋ ਗਈ ਸੀ।
